பாடல் ; தாஜ்மஹால் தேவை இல்லை
அன்னமே அன்னமே
#பல்லவி
காசுபணம் தேவையில்லை
தங்கமே தங்கமே
பாசமழை பூமியெல்லாம்
என்றுமே பொழியுமே
சொந்தபந்தம் சூடி தந்ததோ
காலமெல்லாம் வாழ்த்தி மகிழுமோ
காசினி கண்டும் போற்றும் காதல் இதுவோ
(காசுபணம் தேவையில்லை)
#சரணம்-1
ஒற்றையடி பாதையில்
ஒன்றாக போகலாம்
ஒய்யாரமாய் நம் கூடலோ
மெருகேறி ஆடி பாடலாம்
கல்யாணம் என்பது
சொல்லாமல் ஆகலாம்
கண்ணாலனே நம் பாசமே
காவியம் வேண்டி வாழலாம்
பன்னீரிலே வாசமாகி
பறைசாற்றும் தேடலே
சுடர் ஏற்றி நாமும் சொல்ல
மலை ஏற வேண்டுமே
சோலை தரும் தென்றல்
எம்மை பண்பாடுமே
(காசுபணம் தேவையில்லை)
#சரணம்-2
காலங்கள் என்பது
கடிகாரம் போன்றது
ஒன்றை விட்டு ஒன்று பிரிந்தால்
பயணிக்க பாதை காட்டுமா
காதல் வந்த வேளையில்
கைதட்டும் பந்தமே
நீயும் நானும் ஒன்றாய் வந்தால்
நதிமீன்கள் கீதம் பாடுமே
பார்க்காத காதலெல்லாம்
எம்மண்ணில் வாழுமே
இன்னிசையின் கானமழையில்
இதயங்கள் பேசுமே
கண்கள் இரண்டும் கவிதை பாட
வா தங்கமே
(காசுபணம் தேவையில்லை)
0 comments:
Post a Comment