உள்ளம் தேடுதே

இதயத்தின் காதலை என்னவள் இயம்பிட/

இமைகளின் இசையை இன்பமாய் இணைத்திட /

உதயமான பாடலை உள்ளன்பு உணர்த்திட/

உணர்வுகளின் உருவை உள்ளம் தேடுதே/

ஏழையின் குடிசை/ எட்டிப் பார்க்கிறது/ அவரைக்கொடி/

வைகறை இன்பம்

குயிலின் நாதம் கும்மிருட்டை கலைக்க/

வயலின் ஓரம் வான்மதியும் கடக்க/

தையலின் உணர்வில் தைத்த மனதோ/

வைகறை பொழுதில் வசியம் செய்ததே/

கதிரவனின் வருகை காதலை அலங்கரிக்க/

கற்பகச் சோலை ஊடலை தடம்பதிக்க/

மௌனமொழி பேசும் மன்மத பொழுதில்/

மங்கல கீதம் பாடும் நேரமிது/

இன்பத்தில் எல்லை இரண்டற கலக்க/

இல்லாளின் சொல்லை இன்புற கேட்க/

இதயத்தின் இன்னிசை இனிதே ஒலிக்க/

இளமையின் அகவை கரையும் கணப்பொழுது/

பறவைகள் ஒலியும் பரவையின் அலையும்/

பாசத்தின் பிணைப்பை படமோ பிடிக்கும்/

பான்மையின் வரவும் பழகிய இரவும்/

வாலிபக் கனவே வைகறை இன்பம்/

நதிக்கரை /

அங்குமிங்கும்  நகர்கிறது/

வானத்து மேகம்/

தன்முனைக் கவிதை

வள்ளுவரும் வாசுகியும்/

இணைபிரியா இல்லறத்தார்/

இயல்பாகவே இயம்பினார்

இருவரியில் திருக்குறள்/

கடல் வாழ்க்கை

பறவைகள் பறக்கும் வான வீதியிலே/

பரவையில் அசைப்போம்

துடுப்பின் கைகளிலே/

குடும்பத்தின் சுமையை

மனதில் சுமந்தே/

கொத்து கொத்தாய்

மீன்பிடிப்போம் நிதமே/

மனையின் காதல்

மனதில் மிதக்க/

கடலின் காதல் 

நாசியில் கலக்க/

உயிரை மாய்த்து

வயிற்றை நிரப்பி/

வணிகம் செய்யும்

வாலிபம் யாமே/

மக்கள் நினைப்போ

மன்னவன் மீது

மன்னவன் நினைப்போ

மக்கள் மீது/

அலைகளைப் போலே

அசைந்து வந்து/

அன்றாட வாழ்வை

கடக்குது இங்கே/

கடலின் வாழ்க்கை கரைசேரும் வரை/

கர்ணனின் வாழ்வோ கொடை வழங்கும் வரை/

உடலின் வழியே

ஒட்டாத உயிராய்/

நலமாய் வாழ

நாணயம் தருமே/