வைகறை இன்பம்

குயிலின் நாதம் கும்மிருட்டை கலைக்க/

வயலின் ஓரம் வான்மதியும் கடக்க/

தையலின் உணர்வில் தைத்த மனதோ/

வைகறை பொழுதில் வசியம் செய்ததே/

கதிரவனின் வருகை காதலை அலங்கரிக்க/

கற்பகச் சோலை ஊடலை தடம்பதிக்க/

மௌனமொழி பேசும் மன்மத பொழுதில்/

மங்கல கீதம் பாடும் நேரமிது/

இன்பத்தில் எல்லை இரண்டற கலக்க/

இல்லாளின் சொல்லை இன்புற கேட்க/

இதயத்தின் இன்னிசை இனிதே ஒலிக்க/

இளமையின் அகவை கரையும் கணப்பொழுது/

பறவைகள் ஒலியும் பரவையின் அலையும்/

பாசத்தின் பிணைப்பை படமோ பிடிக்கும்/

பான்மையின் வரவும் பழகிய இரவும்/

வாலிபக் கனவே வைகறை இன்பம்/